Non estaba na casa na segunda visita e non puideron realizar a inspección. Que podo facer?
Dispós de dez días hábiles para contactar connosco, no 900 100 252, e que che indiquemos a nova data para levar a cabo a inspección periódica. Neste caso, por normativa, e transcorrido o devandito prazo de 10 días hábiles, ao realizar a inspección terás que aboar o dobre de importe da tarifa establecida para a inspección.
Non estaba na casa cando foron facer a inspección. Como podo concertar unha nova cita?
O noso técnico deixouche unha tarxeta co seu teléfono para concertar unha nova cita para realizar a inspección. Se non a encontras, ponte en contacto connosco no 900 100 252.
Non me chegou ningunha comunicación que me avisase do corte de subministración. Avisástesme de que a miña instalación ten anomalías?
Por normativa, na Comunidade Autónoma de Madrid, envíase unha carta, como mínimo 6 días hábiles antes da data de corte de subministración, e outra tres meses antes (para defectos leves) para recordarche que tiñas que corrixir as anomalías e que non recibimos o xustificante.
Xa corrixín a anomalía. Como podo enviar o xustificante?
Unha vez corrixida a anomalía, o instalador autorizado ou o servizo técnico do teu aparato de gas debe entregarche unha copia deste xustificante e ténnolo que enviar, escaneado ou unha foto de páxina completa, a través da área privada de colaboradores da nosa web, ou do correo electrónico documentacioninspeccion@nedgia.es. Tamén nolo podes enviar ti mesmo ao correo que che indicamos.
Onde podo encontrar un instalador para solucionar a anomalía?
Podes encontrar a listaxe de compañías instaladoras autorizadas na páxina web do Ministerio de Industria, Comercio e Turismo.
Canto tempo teño para corrixir a anomalía que detectastes durante a inspección periódica?
Durante a inspección, o noso técnico informoute e entregouche a documentación na que podes encontrar os devanditos prazos, que son 15 días hábiles para defectos principais e 6 meses para os secundarios ou leves. Acórdate de que o instalador nos envíe o xustificante de corrección de anomalías polas canles habilitadas.
Canto nos custará e como podo pagalo?
En calquera das dúas opcións, non teredes que pagar nada no momento da visita do técnico na túa vivenda. O importe da inspección farémolo chegar á empresa comercializadora que corresponda para que o inclúa na factura de gas de cada veciño. Nos arquivos adxuntos podedes dispoñer dos nosos prezos de inspección. Como podedes ver, o custo da inspección ten un prezo regulado e establéceo cada comunidade autónoma. Así pois, nalgunhas comunidades o importe repercútese entre todos os puntos de subministración en servizo conectados á instalación mentres que noutras é un custo fixo por vivenda. Se optades por unha empresa instaladora, o custo deberedes acordalo con ela.
Con quen pode a miña comunidade de veciños realizar a inspección periódica da instalación de gas da comunidade?
- Realizala con NEDGIA, a vosa empresa distribuidora de gas.
- Optar por unha empresa instaladora de gas habilitada. Nesta web poderedes consultar a listaxe de empresas instaladoras habilitadas:i.nedgia.es/instaladoresgas
A empresa que realice a inspección da instalación de gas encargarase de enviarnos o certificado co resultado desta a través da web.
Fanse ao mesmo tempo as inspeccións da instalación de gas da miña comunidade e da instalación individual da miña vivenda?
Estas inspeccións realízanse cada cinco anos pero non sempre se fan á vez. Desde NEDGIA informaremos por escrito a todos os veciños da comunidade conectados á rede cando sexa o momento de realizala.
Cando debe a miña comunidade de veciños realizar a inspección de gas da instalación común?
De acordo coa normativa vixente, a inspección da instalación das zonas comúns realízase cada 5 anos. Desde NEDGIA informaremos por escrito, mediante carta, a todos os veciños da comunidade conectados á rede, cando vencese o período e debedes realizala.
Que é a inspección da instalación receptora común?
É a revisión da instalación de gas da túa comunidade. Está composta polas chaves e canalizacións necesarias para levar o gas desde a acometida da compañía distribuidora ata as instalacións de gas de cada vivenda da túa comunidade.
Canto me custará e como podo pagala?
En calquera das dúas opcións, non terás que pagar nada no momento da visita do técnico na túa vivenda. O importe da inspección farémolo chegar á túa empresa comercializadora para que o inclúa na túa factura de gas. Nos arquivos adxuntos podes dispoñer dos nosos prezos de inspección. Como podes ver, o custo da inspección ten un prezo regulado e establéceo cada comunidade autónoma. Se optas por unha empresa instaladora, o custo deberás acordalo con ela.
