Operacións técnicas

Operación para poñer en servizo a túa instalación individual. Para iso, o técnico fará unha proba de estanquidade da túa instalación, comprobará que a túa caldeira ou quentador realiza correctamente a combustión e revisará que se corrixise calquera outra irregularidade que motivase o peche da instalación. En caso de detectar un funcionamento anómalo ou dano no contador, este tamén poderá ser substituído.

A instalación receptora individual (IRI) é o conxunto de conducións e accesorios comprendidos, segundo o caso, entre: a chave de usuario, cando existe instalación común, ou a chave de acometida ou de edificio, cando subministran un só usuario.

Operación para poñer en servizo todos os puntos de subministración en instalacións comúns pechadas total ou parcialmente. Nesta operación, o técnico realiza unha proba de estanquidade da instalación, tanto común coma individual. Naquelas vivendas onde o cliente estea ausente, deixaralle un aviso con toda a información necesaria para renovar a subministración.

A instalación receptora común (IRC) é o conxunto de conducións e accesorios comprendidos entre a chave de acometida (excluída esta) e as chaves de conexión de aparello (incluídas estas), polo que quedan excluídos os tramos de conexión dos aparellos.

Supón a rescisión de contrato e posta en seguridade da instalación individual. O técnico retirará o contador e deixará a instalación en seguridade.

Nesta operación o técnico substituirá o contador por outro das mesmas características e realizará unha proba de estanquidade da instalación.

Operación de corte da subministración de gas por débeda pendente co comercializador. Para iso, o técnico pechará, bloqueará e precintará a instalación, ata que o cliente normalice a súa situación.

Operación para desmontar o contador por obra ou reforma. Durante esta operación, o técnico pechará, bloqueará e precintará a instalación, deixando o contador desmontado na vivenda do cliente.

Operación que ten como obxectivo confirmar diversos datos dun predio: estrutura, rúa, número e ordenación de batería de contadores.

Con esta operación a distribuidora avaliará se existe algunha anomalía visible e/ou comprobable que impida o correcto funcionamento do contador, e en caso afirmativo substituirao. En todo caso, se o cliente desexa unha verificación do contador deberá solicitalo ao organismo oficial competente da comunidade autónoma.