Inspección periódica

Resto de comunidades

En que consiste?

A túa instalación de gas natural necesita inspeccións periódicas, para garantirche un aproveitamento óptimo da enerxía e a maior seguridade na súa utilización. Resolvemos todas as dúbidas que poidas ter sobre o proceso de inspección periódica.

Cales son os posibles resultados da inspección periódica?

Satisfactorio. A túa instalación quedou en regra no momento da inspección.
Non satisfactorio. Detectáronse anomalías que hai que corrixir.
Ausente. Non se puido realizar a inspección e hai que concertar unha nova visita.

Que se valora nunha inspección periódica?

A ausencia de fugas de gas natural na instalación.
A comprobación das canalizacións do gas natural (zonas visibles e accesibles)
Condicións de ventilación e a localización dos contadores.
A ventilación dos locais que conteñen aparatos de gas natural.
A conexión dos aparatos á instalación de gas natural.
Os condutos de evacuación de quentadores e caldeiras.
Comprobación da combustión en quentadores, caldeiras e vitrocerámicas de gas natural.
As condicións de funcionamento dos aparatos que funcionan con gas natural
Lembra: estas actividades requiren entrar na túa vivenda e, por iso, é moi importante que facilites o acceso o día da visita.

Coñece os procedementos específicos dalgunhas comunidades autónomas

Aviso importante sobre a inspección periódica nalgunhas comunidades autónomas.

Tes dúbidas?

Ir á sección de axuda

E que pasa se non estou na casa na segunda visita e non fago a inspección periódica? – Cataluña

Se non podemos verificar que a túa instalación é segura e que funciona correctamente, temos que informar á autoridade competente da túa comunidade autónoma de que non puidemos realizar a inspección.
No caso de Cataluña, un mes despois da comunicación á Generalitat de Cataluña teremos que cortarche a subministración.
En todos os casos, se queres volver contar co servizo terás que aboar os importes establecidos para o efecto por cada comunidade autónoma para a inspección periódica e o dobre do custo de reapertura.

Non estaba na casa na segunda visita e non puideron realizar a inspección. Que podo facer?

Dispós de dez días hábiles para contactar connosco, no 900 100 252, e que che indiquemos a nova data para levar a cabo a inspección periódica. Neste caso, por normativa, e transcorrido o devandito prazo de 10 días hábiles, ao realizar a inspección terás que aboar o dobre de importe da tarifa establecida para a inspección.

Non estaba na casa cando foron facer a inspección. Como podo concertar unha nova cita?

O noso técnico deixouche unha tarxeta co seu teléfono para concertar unha nova cita para realizar a inspección. Se non a encontras, ponte en contacto connosco no 900 100 252.

Canto tempo teño para corrixir a anomalía que detectastes durante a inspección periódica?

Durante a inspección, o noso técnico informoute e entregouche a documentación na que podes encontrar os devanditos prazos, que son 15 días hábiles para defectos principais e 6 meses para os secundarios ou leves. Acórdate de que o instalador nos envíe o xustificante de corrección de anomalías polas canles habilitadas.

Xa corrixín a anomalía. Como podo enviar o xustificante?

Unha vez corrixida a anomalía, o instalador autorizado ou o servizo técnico do teu aparato de gas debe entregarche unha copia deste xustificante e ténnolo que enviar, escaneado ou unha foto de páxina completa, a través da área privada de colaboradores da nosa web, ou do correo electrónico documentacioninspeccion@nedgia.es. Tamén nolo podes enviar ti mesmo ao correo que che indicamos.

Onde podo encontrar un instalador para solucionar a anomalía?

Podes encontrar a listaxe de compañías instaladoras autorizadas na páxina web do Ministerio de Industria, Comercio e Turismo.

Finalmente, non puiden pasar a inspección por non estar presente e cortáronme a subministración. Como podo recuperala?

Chama ao teléfono 900 100 252 e restableceremos a subministración o antes posible, nas 48 h seguintes ao teu aviso de que non tes subministración. Enviaremos un técnico para que che faga a correspondente inspección e, se non hai anomalías principais, che restableza o servizo. Porén, se detecta anomalías, terás que poñerte en contacto cun instalador autorizado ou o servizo técnico do teu aparato para que che arranxe as anomalías, nos envíe o xustificante de corrección e che restableza a subministración ao momento.

Para calquera dúbida ou aclaración, chámanos o noso teléfono gratuíto no que atenderemos as túas consultas.

900 100 252

A túa seguridade é a nosa prioridade

Coñece máis sobre a inspección periódica

Fases da inspección

Non superei a inspección

Ausente o día da inspección

Inspección individual

Instalación receptora común

Tarifas

Inspección por comunidade autónoma

Documentación relacionada