Logotipo de Nedgia de cabecera

A nosa historia

180 anos no sector enerxético

Como evolucionamos ata o momento actual?

En 2023 conmemoramos os nosos 180 anos de historia, ademais dos 5 anos da marca Naturgy e da marca Nedgia.

Un momento moi especial para sentir o poder da enerxía que nos une a todos os que facemos parte desta gran compañía e que nos impulsa cada día para seguir transformando.
 
 

O desenvolvemento do consumo de gas natural no século XXI

O consumo final do gas natural creceu fortemente ata a crise de 2008-2009, motivado polo crecemento do uso de gas en procesos industriais xunto cun aumento gradual do uso nos fogares, e a instalación, a partir de 2002, de ciclos combinados que utilizan o gas natural como combustible para xerar enerxía eléctrica. Os ciclos combinados de gas natural supoñen unha mellora no rendemento: reducen custos e emisións de CO, CO2, NOx e eliminan practicamente a emisión de partículas ou de derivados do xofre.

2018, ano emblemático para a compañía

En 2018, coincidindo co 175 aniversario do grupo, levouse a cabo un dos cambios máis significativos da nosa historia: o paso de Gas Natural Fenosa a Naturgy.

A nosa nova marca é internacional, está adaptada a todos os mercados globais e enfocada na innovación, a dixitalización, a simplicidade e a globalidade.
Algúns datos de interese

Nedgia, marca para o negocio de distribución de gas en España

Tamén en 2018 lánzase Nedgia, a nova marca para toda a actividade de distribución de gas do grupo Naturgy en España e iníciase unha nova etapa enfocada no crecemento e a transformación da actividade, co obxectivo de achegar benestar.
NEDGIA combina dous conceptos fundamentais para a compañía: a innovación unida á experiencia e solvencia que achega pertencer ao grupo enerxético Naturgy e o desenvolvemento, durante os últimos 25 anos, da expansión do gas natural en España.
Trala implantación da nova marca, as diferentes empresas que realizan a actividade de distribución de gas manteñen a denominación territorial e histórica nas rexións onde operaban, e adoptan 'Nedgia' como o seu novo nome. Este representa a globalidade da enerxía distribuída, a inmensa rede que a distribúe de forma eficiente e sinxela e que se asocia ao ámbito enerxético, ao desenvolvemento e as conexións.
 
 

Outras datas emblemáticas

2023 Seguimos traballando por un presente e futuro máis sostible
A partir de 2021, Nedgia xa inxecta gas renovable nas nosas redes de distribución de gas dende 6 plantas de produción de biometano en España. Temos como obxectivo fundamental seguir creando valor a través das nosas infraestruturas de gas e vehiculando gases renovables por elas para contribuír a que a transición enerxética sexa xusta e sostible.
2004 Integramos enerxía renovable no mix enerxético
Inicio das actividades en enerxía renovable eólica: empezan as operacións de produción de electricidade para aproveitar a enerxía do vento, nos correspondentes parques eólicos.
1998 Liberalización e internalización
En 1998 iníciase en España o proceso de liberalización do sector do gas coa publicación da Lei de Hidrocarburos. Esta lei comportará a obriga de separar as redes de transporte e a función de Xestor Técnico do sistema, das redes de distribución e a comercialización.
1992 Axudamos a acender o peveteiro olímpico de Barcelona 92
A colaboración coa Olimpíada de Barcelona incluíu a escenografía que utilizaba gas no seu funcionamento, como foron o facho olímpico e o peveteiro do estadio de Montjuïc. O facho foi creado por André Ricard, pero o deseño do seu funcionamento foi realizado polos técnicos de Naturgy. En canto ao o peveteiro olímpico, deseño de Pep Sant e Ramon Bigas, concibiuse a idea de acendelo na cerimonia inaugural dos xogos cunha frecha acesa que pasaría por riba da instalación. E aquí volveron aparecer os técnicos de Naturgy, que deseñaron un sistema a proba de erros. Foi un éxito espectacular.
1996 Inicio das actividades no transporte internacional de gas
Dende 1985 e ata 1993 o aprovisionamento viña principalmente por GNL (gas natural licuado). En 1993 púxose en funcionamento a primeira conexión internacional do sistema de gas español en Larrau (Francia) e en 1996 inaugúrase o gasoduto Magreb-Europa, co percorrido dende o xacemento de Alxeria pasando por Marrocos (país de tránsito) e conectado á Península, en Tarifa.
1991 Integración do sector gas en España
Grazas á nova situación do sector do gas en España, con grandes posibilidades de crecemento e desenvolvemento, únense ao conxunto de accionistas de Catalana de Gas, dous importantes accionistas: La Caixa e Repsol.

Co apoio destes accionistas desenvólvese un novo proxecto empresarial que pasa pola integración do sector da distribución de gas en España (fusión de Catalana de Gas, Gas Madrid e os activos de gas canalizado de Repsol Butano).

Como resultado, créase en 1992 unha nova sociedade: Gas Natural SDG, S.A., que ese mesmo ano inicia tamén a expansión internacional en América Latina, que comezará por Arxentina e continuará, durante os anos seguintes, con actividades en Brasil, Colombia e México.
1985 Protocolo de Intencións para o desenvolvemento de gas en España
Este Protocolo subscrito polo Ministerio de Industria e Enerxía (MINER), e as principais empresas de distribución e subministración de gas natural, supuxo a posta en marcha dun plan de expansión a longo prazo que levou consigo un incremento da actividade investidora, de crecemento e de expansión tanto en novas distribucións coma en clientes. Grazas a iso, empézase a recuperar aceleradamente o atraso histórico do sector en España en relación a Europa.

En 1987 Catalana de Gas y Electricidad cambia de nome a Catalana de Gas, S.A. ao vender os últimos activos eléctricos convencionais.

En 1990 dáse por finalizado o proceso de cambio de gas cidade a gas natural en Barcelona (proceso iniciado en 1985), co peche da última fábrica en funcionamento na cidade, a de Sant Martí de Provensals.
1972 Os inicios do gas

Nos primeiros inicios do gas hai que destacar 3 personaxes e dúas maneiras de producir gas:

– O escocés Willian Murdock, que en 1792 consegue iluminar a súa casa con gas producido a través de carbón.
– O francés Lebon, que en 1801 estaba a tentar aplicar o gas obtido da destilación da madeira para propósitos semellantes.
– O Alemán Frederick Albert Winsor, que en 1804 presentou en Londres experimentos de iluminación con gas.

Non obstante, foi Windsor quen en 1812 creou en Londres a "Gas Light and Coque Company", a primeira compañía do gas do mundopara prover iluminación pública con gas producida a través de carbón.
1969 Inicio da subministración directa de gas natural
En EEUU a primeira utilización de gas natural realizouse en 1821, dende un pozo pouco profundo realizado na localidade de Fredonia, Nova York, por William Hart, que é considerado como o "pai do gas natural".

En Europa o gas natural chegou entre finais dos cincuenta e inicios dos sesenta grazas a tres factores:

– Os depósitos de gas natural encontrados en Europa e o norte de África.
– O desenvolvemento, nos anos 1960-1962, da tecnoloxía crioxénica.
– A progresiva concienciación ecolóxica, coa busca de alternativas de combustibles máis limpos que o carbón e o petróleo, como é o caso do gas natural.

En España, a subministración de gas natural directa sen necesidade de fábricas iniciouse en 1969.

Neste avance tivo grande importancia Catalana de Gas y Electricidad, que constituíu, xunto con outros socios, a sociedade Gas Natural S.A. para a importación de gas natural de Libia e construíu unha planta de regasificación no porto de Barcelona e o primeiro metaneiro español: “El Laietà”.
1958 Inicio da reconversión industrial
Dende finais dos anos 50 ata inicios dos 70, estamos ante a España do Plan de Estabilización, da liberación do tipo de cambio da peseta e dos Plans de Desenvolvemento.

No sector do gas, as instalacións eran vellas e anticuadas polo que se inicia un proceso de modernización no que ten grande importancia o paso en 1963 de producir gas manufacturado con carbón a producilo con naftas.

Tras o cambio pasouse a dispoñer de modernas plantas químicas, bastante automáticas, que supuxeron un aumento da capacidade produtiva das fábricas.

Para dar saída a esta maior produción, deben buscarse novos usos do gas e empeza a promoverse fortemente a calefacción a gas.

Dende finais dos anos 50 ata inicios dos 70, as instalacións no sector do gas quedaran vellas e anticuadas.

Coa reconversión industrial iníciase un proceso de modernización no que ten grande importancia pasar de producir gas manufacturado con carbón a producilo con naftas.
1894 Chega con forza a electricidade
En 1894 a Allgemeine Elektrizitäts-Gesellschaft (AEG), a principal sociedade alemá e europea en industria eléctrica, crea en Barcelona a Compañía Barcelonesa de Electricidad.

Ante esta situación, a Sociedad Catalana para el Alumbrado por Gas y Lebon deciden entrar no mercado da xeración e venda de electricidade e crean conxuntamente en 1896 a "Central Catalana de Electricidad".

Posteriormente, en 1911, constitúese con capital multinacional a Barcelona Traction Light & Power cunha gran dimensión financeira. Esta compañía convértese no principal competidor eléctrico.

Ante esta situación a SCAG cambia de estratexia e inicia un proceso de importante crecemento e adquisicións que a leva a converterse en 1913 na 7ª sociedade de España por capitalización bolsista. Nesta época SCAG cambia de nome e pasa a chamarse Catalana de Gas y Electricidad (CGE).

Coa entrada da electricidade, o gas tivo que competir con ela no mercado da iluminación que, finalmente, perdeu. Ante esta situación o gas vese obrigado a buscar novos usos e enfócase principalmente á cociña. Para promovelo, apóiase fortemente a través da publicidade.
1843 Fúndase a primeira compañía de gas
En España, a historia do uso do gas empeza cando en 1841 Charles Lebon consegue, a través de poxa, o primeiro contrato de iluminación pública por gas co Concello de Barcelona.

A raíz desta concesión, un ano máis tarde, constrúese a primeira fábrica de gas de España na Barceloneta e, en 1843, Lebon conxuntamente cos irmáns Gil y Serra e outros accionistas, fundan a Sociedad Catalana Para el Alumbrado por Gas (SCAG).

A partir de 1853, outras empresas de gas entran a competir no mercado.

Así, a SCAG empeza a expandirse xeograficamente por España e, en 1884, convértese no 7º grupo europeo polas súas achegas á Société Téchnique de l'industrie du Gaz.

Coa popularización do uso do gas no século XIX, para a iluminación pública, ponse en marcha a idea de construír unha fábrica de gas no municipio máis grande e transportala ao resto de municipios da zona. Foi así como, para conseguir aforro en custos e investimentos, nace a distribución de gas a través de canalizacións.

Inxección de GR na rede de Nedgia

Xullo 2023
Inxección de 27 GWh/ano de biometano na rede, procedentes da planta de dixestión anaerobia e de compostaxe do CGRVO, e na estación depuradora de augas residuais (EDAR) Granollers do Consorcio Besòs Tordera, en Barcelona, equivalente ao consumo de 4.800 fogares e que evita a emisión de 9.700 toneladas anuais de CO2.
Xuño 2023
Inxección de biometano na rede de distribución de residuos urbanos, procedentes do depósito controlado de Can Mata, situado en Els Hostalets de Pierola (Barcelona). Capacidade de 70 GWh/ano de biometano, equivalente ao consumo de 14.000 fogares e que evita a emisión de 17.000 toneladas anuais de CO2.
Xaneiro 2022
Inxección na rede de Nedgia de 5 GWh/ano de biometano, procedente da estación depuradora de augas residuais de Bens (A Coruña).
Decembro 2021
Inxección de 30 GWh/ano dende a granxa de Torre Santamaría, situada en Vallfogona de Balaguer (Lleida), na rede de Nedgia, cuxos residuos se obteñen a partir de refugallos gandeiros. Evitará a emisión á atmosfera de 6.000 toneladas de CO2/ano, equivalente a plantar unhas 12.510 árbores.
Setembro 2021
Inxección de biometano aproveitando o biogás xerado a partir de residuos agroindustriais en Burgos. Planta Biogasnalia (Proxecto UNUE). 25 GWh por ano, que evita a emisión de 4.500 toneladas de CO2.
Xuño 2021
Inxección de biometano producido a partir de residuos municipais en Cerdanyola del Vallès (Barcelona). Primeira planta de biogás en Cataluña, planta Elena. Capacidade de inxección de 15 GWh/ano, que evita a emisión de 2.400 toneladas de CO2.
2019
Arrinca o primeiro proxecto de inxección de gas renovable na rede de distribución de Nedgia, dende a estación depuradora de augas residuais (EDAR) de Butarque, en Madrid. A capacidade de inxección anual estaba estimada en 5 GWh e a iniciativa evitou a emisión á atmosfera de 1.270 toneladas de CO2/ano.
Hai 50 anos que iniciamos a distribución e expansión do gas natural en España

Seguimos innovando e escribindo a nosa historia grazas a ti

A historia permítenos recordar de onde vimos e tamén cara a onde imos. Este ano, ademais, temos un motivo especial que celebrar: levamos medio século formando parte da historia da distribución do gas natural.

Chegada do gas natural en 1969

A chegada do primeiro cargamento de gas natural a Barcelona, en 1969, revolucionou os fogares e industrias do noso país, xa que significou o principio do fin da produción do gas en fábricas. O inicio da subministración directa de gas natural, unha enerxía con maior poder calorífico e moito máis respectuosa coa contorna que o gas manufacturado, supuxo un grande avance para a sociedade e para a economía. Dende entón, a expansión das redes de gas natural foi imparable.

Para a expansión do gas natural era preciso crear unha infraestrutura que permitise a regasificación do gas natural licuado que chegaba por barco, e así foi como, tras unha década de negociacións nacionais e internacionais, en 1970 se inaugurou a planta de regasificación de Barcelona.

“O aumento do nivel de vida coas súas esixencias de confort, que afecta o sector doméstico, e a necesidade de dispoñer dunha fonte de enerxía nobre, como o gas natural, que permita unha maior calidade nos produtos finais para poder competir con éxito nos mercados, foron motores de crecemento" – Noticiario informativo de Gas Natural, xuño do 1970. Este cambio tan considerable implantouse progresivamente.

A expansión das redes de distribución de gas natural realizouse en dúas fases (1969-1972 e 1985-1990), primando a chegada do gas natural aos clientes industriais con grandes demandas de enerxía e, a continuación, aos clientes domésticos.

Nas zonas onde que non se contaba previamente con infraestruturas de gas manufacturado, desenvolvéronse as redes de distribución, o que implicou a construción de quilómetros de gasodutos e canalizacións, mentres que, nas que xa dispoñían de gas manufacturado, unicamente se tivo que realizar a operación coñecida como cambio de gas. Deste xeito, en 1971 as áreas máis destacadas de Barcelona e arredores xa dispoñían de gas natural canalizado.

Expansión e desenvolvemento do sector

A chegada do gas natural foi un grande éxito que remataría implantándose no resto do país. En 1985, o Ministerio de Industria e as empresas do sector subscribiron o chamado Protocolo de intencións para o desenvolvemento do gas en España. Esta gran noticia contribuíu a emendar, en parte, o atraso histórico que o sector sufría respecto a Europa, onde o gas natural estaba nesa época xa moi consolidado.

Este plan supuxo o recoñecemento á completa expansión do gas natural como enerxía en todo o territorio peninsular de España e implicou a desaparición de todas as instalacións de produción de gas manufacturado. De feito, o fin da fabricación do gas sitúase en 1997, o que contribuíu a ter un aire máis limpo nas cidades ao facer desaparecer o consumo de combustible moito máis contaminante.

Dende entón ata hoxe, seguimos innovando e escribindo a nosa historia grazas a ti.

Máis nesta sección

O papel do distribuidor

Coñece que fan os nosos distribuidores.

Accionistas

Coñece os nosos accionistas.

Colaboradores

Coñece con quen colaboramos.

Distribuidoras

As nosas distribuidoras.
 
 

Máis sobre Nedgia

Compromiso

Coñece os beneficios do gas natural.

Sala de prensa

Descubre as últimas novidades da nosa empresa.