Manuais para a operación en SCTD de comercializadoras (BLOQUE 1)
Manuais para a operación en SCTD de comercializadoras (BLOQUE 2)
Interfases de comunicación SCTD entre Distribuidora e Comercializadoras (BLOQUE 1)
Interfases de comunicación SCTD entre Distribuidora e Comercializadoras (BLOQUE 2)
Definición
Proceso para que un consumidor pase de ser subministrado no mercado liberalizado por un comercializador a ser subministrado por outro comercializador.
Axentes implicados
Solicitude
O comercializador entrante solicita o cambio de comercializador ao titular das instalacións vía SCTD utilizando o formato electrónico establecido para tal efecto e que se describe no manual de usuario (A1), achegando á solicitude a copia da carta de conformidade do cliente ao cambio de comercializador.
Validación de solicitudes polo titular das instalacións
O titular das instalacións valida a solicitude recibida no prazo legalmente establecido. As solicitudes con datos ou formatos incorrectos ou que correspondan a puntos de subministración cuxa situación non permita o seu traspaso serán rexeitadas.
Resposta á solicitude
Tras a validación, o titular das instalacións deberá responder no prazo legalmente establecido ao comercializador solicitante se acepta ou rexeita a solicitude de cambio de subministrador, e indicar, se for o caso, as causas do rexeitamento que aparecen definidas nas táboas do SCTD.
A resposta de validación ou rexeitamento así como todas as posteriores comunicacións entre distribuidor e comercializador efectuaranse tamén nos formatos electrónicos que se especifican no manual de usuario (A2).
Activación da solicitude
En caso de aceptar a solicitude, o titular das instalacións procederá a comunicar a última lectura e a finalización do contrato ATR ao comercializador saínte, así como a activación do novo contrato ATR tras finalizar o proceso de cambio ao comercializador solicitante. Ambas as dúas comunicacións efectúanse mediante as correspondentes mensaxes electrónicas que aparecen definidas no manual de usuario (A3).
Definición
Proceso mediante o cal un comercializador solicita ao titular das instalacións algunha modificación dos datos que afectan o contrato de ATR ou que deben ser actualizados nas bases de datos do distribuidor.
Axentes implicados
Solicitude
O comercializador solicitante pide a modificación de datos do distribuidor vía SCTD utilizando o formato electrónico A1 establecido para tal efecto e que se describe no manual de usuario.
Validación de solicitudes polo titular das instalacións
O titular das instalacións valida a solicitude recibida no prazo legalmente establecido. As solicitudes con datos ou formatos incorrectos ou que correspondan a puntos de subministración para os que se pidan modificacións que non sexan viables, serán rexeitadas.
Resposta á solicitude
Tras a validación, o titular das instalacións deberá responder no prazo legalmente establecido ao comercializador solicitante se acepta ou rexeita a solicitude de cambio de subministrador, e indicar, se for o caso, as causas do rexeitamento que aparecen definidas nas táboas do SCTD.
A resposta de validación ou rexeitamento así como todas as posteriores comunicacións entre distribuidor e comercializador efectuaranse tamén nos formatos electrónicos que se especifican no manual de usuario (A2).
Definición
Proceso para proceder á rescisión do contrato de ATPR correspondente a un punto de subministración por parte dun comercializador.
Axentes implicados
Solicitude
A baixa ou rescisión do contrato de ATR debe solicitala o comercializador ao titular das instalacións a través da Unidade de Xestión de Accesos ATR, xa for a iniciativa propia ou do consumidor en cumprimento estrito dos procedementos legalmente establecidos.
O comercializador enviará a solicitude vía SCTD mediante o ficheiro electrónico definido que aparece no manual de usuario (A1) achegando copia das notificacións regulamentarias que correspondan. Ademais, no caso de rescisión do contrato de subministración por iniciativa do comercializador, este deberá notificar a devandita rescisión do contrato de subministración ao consumidor e ao titular das instalacións por correo certificado ou calquera outro medio que garanta de xeito fidedigno a comunicación, cunha antelación mínima de seis días hábiles de acordo ao establecido na lexislación.
Validación de solicitudes polo titular das instalacións
O titular das instalacións valida a solicitude recibida no prazo legalmente establecido. As solicitudes con datos ou formatos incorrectos ou que correspondan a puntos de subministración para os que non sexa viable realizar a baixa serán rexeitadas especificando na resposta o motivo do devandito rexeitamento.
Resposta á solicitude
Tras a validación, o titular das instalacións deberá responder no prazo legalmente establecido ao comercializador solicitante se acepta ou rexeita a solicitude de rescisión de contrato de ATR, e indicar, se for o caso, as causas do rexeitamento.
A resposta de validación ou rexeitamento efectuarase tamén nos formatos electrónicos que se especifican no manual de usuario (A2).
Activación da solicitude
Se a solicitude de baixa é aceptada, o titular da rede procederá a comunicar ao comercializador solicitante a última lectura e data de finalización do contrato de ATR a través do SCTD de acordo cos formatos electrónicos establecidos (A3) e efectuará a suspensión da subministración ao consumidor se corresponde.
Definición
Proceso para que un comercializador poida deixar sen efecto unha solicitude previamente enviada de tipo cambio de comercializador ou baixa do contrato ATR, sempre que o proceso non se realizase.
Axentes implicados
Solicitude
O comercializador debe solicitar a anulación dun proceso de cambio de comercializadora ou baixa ATR ao titular das instalacións vía SCTD, cargando o ficheiro A1 definido para tal efecto (ver manual de usuario).
Validación de solicitudes polo titular das instalacións
Ao igual que nos casos anteriores, o titular da rede comprobará a viabilidade da solicitude de anulación recibida. Se o proceso orixinal sobre o que se solicita a anulación foi realizado, a solicitude será rexeitada.
Resposta á solicitude
Tras a validación, o titular das instalacións deberá responder ao comercializador solicitante se acepta ou rexeita a solicitude de rescisión de anulación, e indicar, se for o caso, as causas do rexeitamento.
A resposta de validación ou rexeitamento efectuarase tamén nos formatos electrónicos que se especifican no manual de usuario (A2).
Activación da solicitude
En caso de aceptar a solicitude, o titular das instalacións procederá a comunicar a última lectura e a finalización do contrato ATR ao comercializador saínte, así como a activación do novo contrato ATR tras finalizar o proceso de cambio ao comercializador solicitante. Ambas as dúas comunicacións efectúanse mediante as correspondentes mensaxes electrónicas que aparecen definidas no manual de usuario (A3).
