Aforro enerxético para empresas

Consellos eficientes de aforro enerxético para empresas.

Contáctanos

Aforra enerxía na túa empresa

No contexto actual de elevada competitividade entre as empresas, a enerxía desempeña un papel fundamental á hora de subministrar os servizos e a calidade que un comercio ofrece aos seus clientes. Reducir o consumo de enerxía convértese nun imperativo para diminuír os gastos de explotación e incrementar así a competitividade do establecemento.

Aprende a aforrar enerxía na túa empresa

Consellos eficientes de aforro enerxético para empresas

Controla e regula a temperatura

Por cada grao de máis que se esixe á instalación, o consumo enerxético sobe entre un 6-8 %. Instala un bo sistema de control e regulación da temperatura e obterás un aforro enerxético considerable.

Mantén en boas condicións os sistemas térmicos

Revisa regularmente todos os compoñentes da instalación, o seu rendemento e o correcto funcionamento das caldeiras.

Illa ben as túas instalacións

Toma as medidas necesarias para reducir as perdas de calor no inverno e as ganancias en verán, así conseguirás un mellor rendemento térmico.

Adecúa a potencia da caldeira á demanda

Obterás un mellor rendemento destes sistemas e evitarás sobredimensionamentos innecesarios.

Elixe ben o teu equipo de combustión

Antes de elixir entre unha caldeira de baixa temperatura e condensación, e unha caldeira convencional, ten en conta o uso que lle vas dar e opta pola que se adapte mellor ás túas necesidades.