Sigue estes sinxelos consellos para ser máis eficiente e aforrar na túa factura
Consellos de eficiencia enerxética
Xuntos conseguiremos reducir o consumo enerxético do teu fogar.
Calefacción
- Mantén a temperatura entre 19 °C e 21 °C durante o día e entre 15 °C e 17 °C pola noite.
- Baixa as persianas pola noite para evitar que a calor escape.
- Illa ben as ventás: poderás aforrar entre un 20% e un 30% en calefacción.
- Non ocultes os radiadores con mobles ou detrás das cortinas.
- Apaga a calefacción cando ventiles e aproveita os momentos de máis sol: con 10 minutos ao día abonda!
- Purga de forma regular os radiadores para que funcionen a pleno rendemento.
- Non seques a roupa enriba dos radiadores.
- Utiliza alfombras para mellorar a sensación térmica dos cuartos.
Cociña
- Utiliza a auga estritamente necesaria: canta máis auga uses, máis calor precisarás para quentala!
- Usa recipientes que teñan o fondo difusor lixeiramente máis ancho que a abertura superior.
- Abre o forno só se é preciso: Sabías que cada vez que o abres perdes un 25% de enerxía acumulada?
- Utiliza o microondas e aforra entre un 60% e un 70% de enerxía
- As potas de presión afórranche tempo e ata un 80% de enerxía.
Auga quente
- Instala perlizadores nas billas.
- Axusta a temperatura da auga quente entre os 30 ºC e os 35 ºC.
- Se tes caldeira ou quentador, regula a temperatura das billas arredor dos 35 ºC.
- Enxabóate coa billa pechada: mentres o fas, aforras 10 litros de auga por minuto.
- As duchas eficientes non deben superar os 5 minutos, e a auga, a un máximo de 30 ºC.
O consumo enerxético do teu fogar
Calefacción
Supón un 41% da enerxía que consomes.
Auga quente
Supón un 26% da enerxía que consomes.
Electrodomésticos
Supón un 12% da enerxía que consomes.
Cociña
Supón un 11% da enerxía que consomes.
Consellos para aforrar enerxía nos teus electrodomésticos
Como aforrar gas natural
Descubre os consellos que dende Nedgia che damos para aforrar gas natural no teu fogar. Controla o teu gasto enerxético facendo un bo uso do gas natural e mantendo a túa instalación en bo estado.
Pon a túa instalación en mans de profesionais
Só unha empresa instaladora autorizada pode facer ou modificar unha instalación de gas. Se encontras algunha anomalía nos aparellos ou na instalación de gas natural, chama ao servizo técnico do fabricante do aparello ou a unha empresa instaladora autorizada para corrixilo o antes posible.
Presta atención á túa instalación
O bo estado da lapa (estable e azul) demostra unha boa combustión. Evita que se apaguen os fogóns mentres cociñas. Se o fume da lapa mancha as cazolas, avisa o servizo técnico do fabricante do aparello, pois é sinal dunha mala combustión. Vixía o estado dos tubos flexibles dos aparellos e pide os instaladores que che instalen tubos de alta seguridade que cumpran coa normativa vixente.
Mantén a instalación ao día
Segundo a normativa vixente, ti es o responsable do mantemento da instalación e do bo uso desta e dos aparatos de gas. A compañía distribuidora debe realizar unha inspección periódica das instalacións de gas e o usuario facilitar o acceso para poder realizala. Coñece en profundidade en que consisten as inspeccións periódicas.
Mantén unha ventilación axeitada
As reixas de ventilación deben estar en perfectas condicións. Non as obstrúas en ningún caso. Se acristalas a terraza, non esquezas dicirlles aos operarios que teñen que abrir as fendas de ventilación. O tubo de saída dos gases é fundamental para o bo funcionamento dos aparellos. Fai que cho instale un especialista, seguindo a normativa.
En ausencias prolongadas
Se tes que estar fóra por un tempo longo (máis de dous días) pecha a chave de paso do gas da túa casa.
Gratis e sen compromiso
Calcula o teu orzamento para instalar gas natural
