Con éxito conclúense as 48 xornadas técnicas a nivel nacional organizadas polo equipo de Canal de Nedgia, iniciadas o 23 de marzo, cunha destacada participación de máis de 940 instaladores.
Ademais de afondar en temas técnicos fundamentais para Nedgia na implementación do gas, expertos da industria, como Testo e Thermor, compartiron valiosos coñecementos e as últimas innovacións en aparatos, fortalecendo o sector e fomentando o intercambio de experiencias. Este ano, a presenza dos responsables das EOP de cada zona engadiu un enriquecedor compoñente.
O obxectivo principal destas xornadas foi consolidar a importancia e eficacia do concepto "gas á primeira". Coa colaboración organizativa e formativa de Conaif, afondáronse os criterios para a inspección de altas de gas, compartíronse as anomalías máis frecuentes nestas inspeccións e aclaráronse as principais dúbidas.
As xornadas non só serviron para abordar temas técnicos, senón que tamén da man dos delegados territoriais e de Grandes Consumos se aproveitou para presentar as estratexias comerciais de Nedgia para o 2023, tanto no ámbito residencial coma en grandes consumos. Detalláronse as Ofertas Públicas e informouse sobre as campañas vixentes.
Oleguer Berengué, responsable de Márketing e Clientes de Nedgia, destaca que "as asociacións valoraron moi positivamente o achegamento e a reconstrución da relación entre Nedgia e os instaladores".
Os resultados da enquisa de satisfacción revelan un notable interese pola nova temática introducida na axenda deste ano sobre o desenvolvemento do gas renovable, a normativa aplicable e as súas implicacións directas para os instaladores.
