Plan Renove para vehículos 2020.
Xa non tes máis escusas para non renovar a túa frota ou comprar un vehículo a gas natural (GNV).
A partir do 20 de outubro e ata o 31 de decembro de 2020, ou fin de orzamento (o que antes suceda), as empresas e particulares poden solicitar as axudas do Plan Renove aprobadas polo Goberno para comprar un coche novo.
As axudas para a compra de novos vehículos oscilan entre os 400 e os 4.000 euros, ata un total de 250 millóns de euros, que serán incrementadas polos fabricantes.
Aínda non consideraches gozar dun coche a gas natural?
Bótalle unha ollada a estas vantaxes e beneficios, seguro que cambiarás de idea!
Aforro en combustible
O aforro económico fronte a outro tipo de combustibles é notable. Ata un 50% de aforro con relación á gasolina ou 25% ao diésel. Con 4 €, por exemplo, pódense percorrer ata 100 quilómetros.
Incentivos fiscais e beneficios
Os coches de GNV gozan de descontos nos estacionamentos en zonas reguladas habituais e nas peaxes das autoestradas. Contan ademais cunha redución do importe do imposto de circulación.
Circulación garantida
Estes vehículos contan coa etiqueta ECO da DXT, que permiten circular polo centro das cidades que presentan restricións de tráfico.
Máis quilómetros sen repoñer
Os vehículos a GNV son bicombustibles, porque contan cun dobre depósito de gasolina e gas natural, polo que se pode seguir circulando se remata o gas natural, e permiten facer máis quilómetros sen repoñer.
Benestar
Os motores de gas natural producen menos ruído e vibracións que os motores diésel. Factor importante para os que conducen moitos quilómetros ao día.
Medio ambiente
Co uso do GNV redúcense as emisións nocivas (NO2 e partículas volátiles PM, entre outras) e as de efecto invernadoiro (CO2), ademais de non emitir dióxido de xofre (SO2).
E se non abondase con isto, co uso do gas natural renovable, a achega ao coidado do medio ambiente increméntase exponencialmente.
Alonga a vida do motor
Grazas a que o GNV non produce residuos de carbón, non forma sedimentos, nin ensucia as paredes dos cilindros, alonga considerablemente a vida útil do motor.
Información de interese:
Catálogo de coches a gas natural
Non sabes que é o GNV?
O gas natural para vehículos, máis coñecido como GNV (gas natural vehicular), trátase do mesmo gas natural que se emprega no uso doméstico ou terciario, pero cunhas condicións especiais de presión e temperatura que permite a carga en vehículos.
Existen 2 tipos de GNV:
- Gas natural comprimido (GNC): para turismos e vehículos lixeiros;
- Gas natural licuado (GNL): para medios de transporte pesados e de longo percorrido, xa que proporciona autonomías superiores a 1.000 km.
No caso de vehículos a GNC, o gas natural iría almacenado en tanques de gas comprimido, que adoitan ir colocados debaixo do chan do habitáculo, debaixo dos asentos posteriores ou debaixo do maleteiro, co que non se nota a diferenza fronte a un coche cun tanque de combustible líquido. En casos de adaptacións realizadas a posteriori, poden mesmo instalarse no maleteiro do coche.
Estes vehículos repóñense practicamente igual que os outros combustibles líquidos.