O ata agora director, Juan Antonio Pazos, pasa a dirixir a área Comercial Residencial de NEDGIA na zona norte.
Celestina López, que foi nomeada directora de Operacións de Distribución de Gas de NEDGIA na zona norte, compatibiliza a dirección de NEDGIA Castela e León coa das distribuidoras de Galicia, A Rioxa e Navarra.
NEDGIA, a compañía de distribución de gas natural do Grupo Naturgy, nomeou a Celestina López nova directora de Operacións de Distribución de Gas de NEDGIA na zona norte da compañía. López compatibilizará a dirección de Operacións das distribuidoras de gas natural de NEDGIA en Castela e León, Galicia, A Rioxa e Navarra.
A nova directora de Operacións de Distribución de Gas na zona norte de NEDGIA é logroñesa e enxeñeira agrónoma pola Universidad Politécnica de Madrid. Con case 20 anos de experiencia no Grupo Naturgy, Celestina López ocupou diversas posicións de responsabilidade no ámbito da distribución de gas natural, entre as que se encontran a dirección de NEDGIA Aragón, Rioxa, Navarra e Cegas na Comunidade Valenciana.
A nova directora de Operacións na zona norte asume o reto de continuar a expansión da rede de distribución de gas natural na comunidade, así como a potenciación dos novos usos desta fonte de enerxía, entre os que destacan a implantación da mobilidade sostible con gas natural e o impulso do gas renovable.
Nova realidade, novos retos
NEDGIA aposta firmemente pola decisiva contribución do gas natural na mellora da calidade do aire nas cidades españolas. Por iso, traballa no desenvolvemento de solucións innovadoras e eficientes para facer chegar o gas natural a novos usuarios, e promove os novos usos do gas, como a mobilidade sustentable como alternativa a combustibles tradicionais, ou o gas renovable, unha opción sustentable e economicamente competitiva para impulsar un sistema enerxético descarbonizado e loitar contra o cambio climático.
Ademais, a compañía está a traballar na dixitalización de todos os seus procesos co obxectivo de aproveitar ao máximo as novas tecnoloxías para facer máis eficiente e eficaz a súa actividade, ademais de conectar coa nova realidade máis tecnolóxica e esixente.
Sobre NEDGIA
NEDGIA, filial distribuidora do Grupo Naturgy, é líder na actividade de distribución de gas natural en España, onde opera a través das súas diferentes compañías en once comunidades autónomas. A empresa supera os 5,3 millóns de puntos de subministración e conta con máis de 52.400 quilómetros de redes en case 1.200 municipios españois.
Valladolid, 19 de setembro de 2018