Nunha semana, a compañía transformou a gas natural as instalacións de propano de case 400 clientes.
Soria, 29 de novembro de 2018.- NEDGIA Castela e León realizou a conversión a gas natural das instalacións e equipos de propano de ao redor de 400 clientes na localidade soriana de San Leonardo de Yagüe. Grazas a esta transformación, preto de 2.000 veciños poden ter acceso ao gas natural, unha enerxía máis eficiente e respectuosa co medio ambiente.
Ademais, a compañía instalou unha planta de gas natural licuado, de 20 Nm3 de capacidade, para subministrar gas natural á localidade, e executou a conexión para os novos clientes domésticos e comerciais que queiran beneficiarse das vantaxes do gas natural.
Os traballos, que se realizaron de forma áxil e gratuíta para os veciños, finalizaron no prazo aproximado dunha semana.
O gas natural é a fonte de enerxía máis limpa, menos contaminante e con menores emisións de CO2 por unidade de enerxía consumida, polo que contribúe a paliar o efecto invernadoiro. Ademais, axúdanos a respirar un aire máis limpo, xa que reduce ata case cero os contaminantes de referencia que miden a calidade do aire.
Presenza en Soria
NEDGIA Castela e León conta con máis de 12.000 puntos de subministración en 9 localidades sorianas, o que permite que máis de 21.500 usuarios teñan acceso a esta subministración enerxética.
A distribuidora de gas natural do grupo Naturgy en Castela e León subministra esta enerxía a preto de 445.000 puntos de subministración en 120 localidades a través dunha rede de transporte e distribución que supera os 4.500 quilómetros.
