A compañía investiu máis de 538.000 euros nunha rede de case 9.700 metros que fará posible o acceso ao gas natural de preto de 1.000 veciños.
León, 13 de xullo de 2018.- Representantes do Concello de Santa María del Páramo (León) e o delegado de NEDGIA Castela e León en Zamora e León, Antonio Velázquez, participaron onte nun encontro con veciños da localidade para explicarlles as posibilidades de instalación de gas natural nos seus fogares.
NEDGIA Castela e León acometeu un investimento de case 550.000 euros para transformar a rede de preto de 9.700 metros de GLP existente na localidade a gas natural. Grazas a esta transformación, preto de 1.000 veciños poden ter acceso a esta enerxía, máis eficiente e respectuosa co medio ambiente.
Un centenar de veciños acudiron ao encontro para interesarse pola chegada do gas natural ao municipio e informarse de como instalalo nos seus fogares.
O delegado de NEDGIA Castela e León en Zamora e León encargouse de resolver as dúbidas dos asistentes sobre o proceso de transformación de GLP a gas natural e tomar nota do interese dos veciños en contactar coa compañía distribuidora para a conexión de novos puntos de subministración e coñecemento da planificación das novas redes de distribución no municipio.
Presenza na provincia
Na provincia leonesa, NEDGIA Castela e León conta con máis de 66.200 puntos de subministración en 22 localidades a través dunha rede de transporte e distribución de 900 quilómetros, o que permite que máis do 55% dos seus veciños teña acceso a esta subministración enerxética.
Actualmente, León é a terceira provincia da comunidade en número de usuarios por detrás de Valladolid e Burgos.
En Castela e León, a compañía da servizo a máis de 700.000 clientes en máis de 440.000 puntos de subministración en preto de 120 municipios a través dunha rede de transporte e distribución que supera os 4.200 quilómetros. Grazas á compañía, máis de medio millón de vivendas, comercios e industrias teñen acceso ao gas natural para o seu consumo.
