Grazas a estas campañas de concienciación, a rexión ten un dos máis baixos índices de sinistralidade neste tipo de instalacións domésticas.
Madrid, 29 de outubro de 2018.- NEDGIA Madrid participa, un ano máis, na Campaña de seguridade de instalacións de gas de uso doméstico na Comunidade de Madrid, unha iniciativa que ten como obxectivo ofrecer aos usuarios unha serie de consellos prácticos para utilizar con seguridade as instalacións domésticas de gas e evitar así posibles accidentes.
O viceconselleiro de Economía e Competitividade da Comunidade de Madrid, Javier Ruiz, e o director xeral de Industria, Enerxía e Minas, Francisco Javier Abajo, presentaron esta campaña de seguridade na sede de NEDGIA, acompañados da directora de NEDGIA Madrid, Raquel Vallejo, e dos directores de Operacións, Juan José Picón, e de Calidade e Seguridade de NEDGIA, Pablo Riaño.
Para NEDGIA Madrid, e para todos os participantes, “a seguridade dos usuarios é un obxectivo prioritario, polo que estas campañas de concienciación son necesarias para asegurar o máximo benestar dos usuarios de gas natural”, afirma Raquel Vallejo.
Vixiar que a combustión sexa correcta, evitar que as fendas de ventilación e o tubo de saída de gases queden obstruídos e realizar a inspección periódica da caldeira cada cinco anos son algúns dos principais consellos prácticos para utilizar con seguridade as instalacións de gas. Ademais, é importante saber que, no caso de notar olor a gas, hai que abrir as ventás, non acender ningún aparato eléctrico nin interruptores da luz e chamar o servizo de urxencias da compañía distribuidora (NEDGIA: 900 750 750).
A concienciación do usuario e as inspeccións periódicas cada cinco anos que fixa a normativa permitiron que o 95% das máis de 400.000 inspeccións que se realizaron en aparatos e instalacións no ano 2017 na Comunidade de Madrid resultaran favorables, segundo datos da Asociación de Empresas do Sector das Instalacións e a Enerxía (AGREMIA).
A campaña, promovida pola Comunidade de Madrid, tamén conta coa participación doutras empresas comercializadoras e distribuidoras de gas, así como da Asociación Española do Gas (SEDIGAS) e AGREMIA.
Presenza na Comunidade de Madrid
NEDGIA Madrid, filial de distribución de gas do Grupo Naturgy na Comunidade de Madrid, subministra gas natural a preto de 900.000 puntos de subministración en 28 localidades (18 distritos na capital) e xestiona unha rede de distribución que supera os 4.500 quilómetros.
A compañía aposta firmemente pola decisiva contribución do gas natural na mellora da calidade do aire nas cidades españolas. Por iso, traballa no desenvolvemento de solucións innovadoras e eficientes para facer chegar o gas natural a novos usuarios, e promove os novos usos do gas, como a mobilidade sostible como alternativa a combustibles tradicionais, ou o gas renovable, unha opción sostible e economicamente competitiva para impulsar un sistema enerxético descarbonizado e loitar contra o cambio climático.
Ademais, a compañía está a traballar na dixitalización de todos os seus procesos co obxectivo de aproveitar ao máximo as novas tecnoloxías para facer máis eficiente e eficaz a súa actividade, ademais de conectar coa nova realidade máis tecnolóxica e esixente.