O noso conselleiro delegado, Narcís de Carreras, xunto co resto de representantes de Distribuidores de Gas para a Sostibilidade (GD4S, polas súas siglas en inglés), asociación que representa os actores máis importantes do sector de distribución de gas en Europa, reuniuse esta mañá, virtualmente, coa comisaria de Enerxía para a Unión Europea, Kadri Simson.
Entre os temas discutidos na reunión destacan: a importancia do aliñamento sectorial para o logro das ambicións climáticas europeas cara á neutralidade de carbono e o papel que as redes de distribución de gas poden desempeñar de xeito efectivo nesta perspectiva.
En opinión de GD4S, “as infraestruturas de gas teñen características funcionais que lles permiten superar as debilidades típicas das fontes renovables tradicionais, poden adaptarse sen problemas á variabilidade da demanda de enerxía, e ofrecen, grazas á súa extensión e capacidade de almacenamento, a posibilidade de almacenar e transportar enerxía de forma rendible en case a calquera lugar de Europa”.
Neste contexto, os representantes da asociación —Narcís de Carreras, CEO de Nedgia (España), Paolo Gallo, GD4S presidente e CEO de Italgas (Italia), Dan Pantilie, CEO de Distrigaz Sud Retele (Romanía), Gabriel Sousa, CEO de Galp Gás Natural Distribuição (Portugal), Edouard Sauvage, CEO de GRDF (Francia) e Leonidas Bakouras, director xeral de EDA Thess (Grecia)— subliñaron que “os procesos de innovación tecnolóxica e dixitalización das redes de gas están a crecer significativamente en todos os principais países da UE”. Segundo GD4S, “estes procesos, ademais de mellorar a eficiencia e a calidade do servizo, son o verdadeiro elemento facilitador para inxectar e distribuír cantidades crecentes de gases renovables, como o biometano e o hidróxeno”.
Os representantes de GD4S acolleron con satisfacción o compromiso da Comisión Europea de traballar en estreita colaboración con todos os interesados na enerxía, e especificamente cos distribuidores de gas, para promover o desenvolvemento de solucións óptimas de enerxía renovable no
contexto do Green Deal. Neste sentido, confirmaron á Comisaria Simson a súa determinación en promover a descarbonización do sector do gas natural e de apoiar o desenvolvemento rendible e xusto dos gases renovables e descarbonizados.
Con este fin, GD4S remarcou “a necesidade de establecer obxectivos europeos de gas renovable a ámbito da UE e dos Estados membros para facilitar o desenvolvemento e despregamento de gases renovables”. Ademais, os directores executivos destacaron a importancia de garantir que as avaliacións de tecnoloxías clave estean suxeitas a unha avaliación completa do Ciclo de Vida do Actico (LCA, polas súas siglas en inglés) en todos os sectores, para permitir comparacións xustas de diferentes tecnoloxías de transición enerxética. Así mesmo, resaltaron a súa petición para a creación dunha entidade de distribuidores de gas na UE, para mellorar a coordinación entre os operadores de sistemas de distribución no que respecta a operacións, técnicas e planificación.
Sobre Gas Distributors 4 Sustainability
Distribuidores de Gas para a Sostibilidade (GD4S, polas súas siglas en inglés), foi fundada como asociación en 2018 e ten a súa sede en Bruxelas. Está activamente enfocada na promoción do proceso de descarbonización do sistema enerxético europeo para o 2050 e busca o recoñecemento do potencial dos gases renovables e das redes de gas. Xuntos, os 7 membros da GD4S atenden un total de 28 millóns de clientes, ou o 30% do mercado de gas da UE.
Sobre NEDGIA
Somos NEDGIA, a distribuidora de gas do grupo Naturgy, e a compañía líder na actividade de distribución de gas natural en España, onde operamos a través das nosas diferentes compañías en once comunidades autónomas. Subministramos gas natural ao 70% dos consumidores, que supoñen máis de 5,4 millóns de puntos de subministración. O noso activo son os máis de 53.800 quilómetros de infraestruturas que operamos en 1.150 municipios de España, e que permiten facer chegar hoxe, de forma segura e eficiente, a subministración enerxética de gas natural e tamén a distribución de gas renovable e de hidróxeno no futuro. A innovación, proximidade e atención ao cliente forman parte da nosa razón de ser e caracterizan a nosa actividade.
