O Concello de Torrent instalará caldeiras a gas natural de última xeración, coas que reducirá o importe da súa factura enerxética e mellorará a calidade do aire na cidade.
A nosa delegación de Gran Consumo de NEDGIA Cegas chegou a un acordo co Concello de Torrent para conectar á nosa rede de distribución as modernas caldeiras a gas natural que o consistorio vai instalar nos centros educativos públicos da cidade valenciana e que estarán a funcionar no mes de setembro.
Concretamente, o Concello cambiará a gas natural as instalacións que funcionan a gasóleo dos centros educativos Antonio Machado, El Molí, Federico Maicas, Lope de Vega, Virgen del Rosario, Miguel Hernández, San Pasqual e San Juan Bautista. Tras a instalación destas caldeiras a gas natural, un combustible máis limpo e eficiente, o Concello de Torrent reducirá, de forma considerable, o importe da súa factura enerxética e os colexios contarán con máis espazo dispoñible, xa que poderán destinar para outros usos o lugar que ocupaba o depósito de gasóleo. Ademais, mellorarán a calidade de aire, xa que evitarán os molestos cheiros do antigo combustible e deixarán de emitir máis de 114.000 kg de CO2 ao ano, o que equivale a plantar máis de 2.900 árbores.
En Torrent, a segunda cidade en número de habitantes da provincia de Valencia e a sexta da Comunitat Valenciana, a nosa filial NEDGIA Cegas conta con máis de 10.200 puntos de subministración e máis de 207 quilómetros de rede de distribución, que tamén subministran gas natural ao importante polígono industrial da cidade.
Sobre NEDGIA Cegas
Somos NEDGIA, a distribuidora de gas do grupo Naturgy, e a compañía líder na actividade de distribución de gas natural en España, onde operamos a través das nosas diferentes compañías en once comunidades autónomas. Na Comunitat Valenciana, a nosa filial NEDGIA Cegas conta con máis de 650.000 puntos de subministración e dispón de case 9.000 quilómetros de rede en preto de 200 municipios da Comunitat Valenciana, o que permite que o 87% da poboación teña acceso ao gas natural.
